Është bërë e udhës që në Shqipëri të gjithë flasin për rregull dhe respektim të ligjit, por po kaq shpejt harrojnë dhe kthehen të parët që kanë mungesë respekti për ligjin.
Të parët që duhet të japin shembullin pozitiv të respektimit të ligjit duhet të jenë politikanët, por fatkeqësisht ata janë shkelësit më të rregullt të ligjeve që po vetë ndërtojnë.
Makina e parkuar në foton lart, në trotuarin përballë Muzeut Kombëtar, është makina zyrtare e Ministrit të Drejtësisë Ylli Manjani, i cili sot ishte në një aktivitet me studentë në Muzeun Kombëtar për të folur për reformën në Drejtësi.
Por ndërsa ka folur për këtë reformë, makina e tij e punës ka qenë e parkuar kundrejt çdo tabele të respektimit të Kodit Rrugor. A është gjobitur? Këtë nuk e dimë. Por dimë që makinat janë bërë për tu parkuar në rrugë dhe brenda tabelave që përcakton kodi rrugor.
