Berat Gjimshiti ishte një nga katër emrat që lanë ditën e djeshme grumbullimin e Kombëtares dhe që ka përfundimisht shpresën për të luajtur në një kompeticion prestigjoz si Europiani Francë 2016. Mbrojtësi i Atalantas në Serinë A italiane është parë i pikëlluar mëngjesin e sotëm ndërsa ka lënë Kombëtaren.
Sigurisht që për të ka qenë një vendim i papritur pas kontributit të çmuar që ka dhënë në fazën eleminatore ku me paraqitjet e tij ndihmoi Shqipërinë të kualifikohej në Kampionatin Europian.
Madje Gjimshiti ishte edhe autori i golit të parë në ndeshjen me Armeninë; gol që i hapi rrugën kualifikimit historik të Shqipërisë. Por ky mund duket se nuk është shpërblyer, ndërsa i është dashur të dëgjojë pasditen e djeshme emrin e tij në mes të larguarve.
Shumë i habitshëm vendimi i De Biasit, pas atij për të lënë jashtë këtoj grumbullimi një tjetër lojtar si Hamdi Salihi. Tani ajo që pritet është a do të vazhdojë Berat Gjimshiti me Kombëtaren e Shqipërisë, pas injorimit që iu bë nga De Biasi? Dhe a duhet të vazhdojë nëse meritat shkelen kaq hapur? Ndërkohë që në mbrojtjen Kuq e Zi në Francë 2016 do të jetë Frederic Veseli, një lojtar i cili ka luajtur vetëm dy ndeshje me Shqipërinë…./ Dritan Laci Opinion.al
