Një propozim nga një rrjet zinxhir i kinemave amerikane për të lejuar klientët që të përdorin telefonat e tyre gjatë një filmi lëshoi një shpërthim të fuqishëm të zemërimit që bëri që kompania shpejt ta tërhiqte atë që tha.
Por a është me të vërtete mbajtja e celularit në kinema, një ide tmerrësisht e keqe?
Adam Aron, kreu i AMC Entertainment, kishte si ide që kinematë thjesht të bëheshin më miqësore por fansat e filmave në të gjithë botën patën një reagim të menjehershëm.
“Ideja më e keqe ndonjëherë”, ishte përfundimi i shumë njerëzve në mediat sociale.
“Ju jeni në thelb i lënë pas duarve të njerëzve të vrazhdë vetëm për të fituar para”, ka thënë një person në Twitter.
“Unë nuk do të paguaj që të kem rreth vetes njerëz që gjatë gjithë kohës vetëm çatojnë” thotë dikush tjetër.
Vetëm dy ditë pasi intervista Aaronit u botua, kompania u detyrua të tërhiqte idenë.
“Nuk do të ketë më texting, nuk do të lejohet në asnjë prej auditoreve në AMC Teatrove,” tha ajo në një deklaratë.
“As sot, as nesër dhe as në të ardhmen e parashikueshme.”
HollyWood film bloger, Alex Billington thotë:”Texting në teatër rrënon krejtësisht filmin. Kjo është diçka që ne duhet ta luftojmë.”
Po në kryeqytetin tonë, a mendoni se duhet të vendoset një rregull i tillë? Kjo mbetet për tu parë.
Burimi: BBC/ Përshtati: Adela Zeneli
Opinion.al
