Ish-kryeministri, Sali Berisha, në konferencën e përjavshme me gazetarët, ka deklaruar se opozita nuk do të zhvillojë protestë ditën e Saimit të Procesit të Berlinit në Tiranë më 16 Tetor.
Berisha nënvizoi gjithashtu se PD ka shpërndarë në të gjithë botën, librin e zi të asaj që ai e quajti farsë elektorale.
“Nuk kemi parashikuar protestë ditën e samitit, por dokumentet elektorale janë shpërndarë në të gjithë botën. Libri i zi i farsës elektorale është shpërndarë në të gjitha qendrat, në të gjitha qeveritë e vendeve anëtare të NATO-s dhe vendeve anëtare të OSBE, BE dhe Këshillit të Europës. Libri është dërguar kapitull për kapitull online ODIHR-it dhe ne jemi shumë të kënaqur me raportin objektiv profesional që ata kanë publikuar.”, tha Berisha.
