Kryetari i PD-së Lulzim Basha teksa u pyet për ‘kthesën e madhe’ të opozitës, në një deklaratë për mediat pohoi se të gjitha këto opsione, siç është edhe bojkoti i Kuvendit, do të diskutohen në tavolinë.
“Të gjitha opsionet janë në tavolinë. Diskutimet kanë nisur dhe do të intensifikohen në ditët e ardhshme dhe vendimet do të bëhen publike ditët e ardhshme.”, tha Basha. Ai u shpreh se Opozita do të kundërshtojë tëgjithë komisionet dhe seancën e 5 korrikut. Ai gjithashtu tha se do ti bëjnë presion kombëtarëve.
Ndërkohë, deklaratës së Ministrit të Brendshëm se ai ‘po shkel në dërrasë të kalbur’, Basha iu përgjigj se: “Mos bridhni pas fjalëve të atyre që janë kapur në krim (I drejtohet gazetarit). Duhet ta keni kuptuar që Rama, Tahiri, Xhafajt, Arta Marku, nuk merren me krimin, por me denoncuesit. Ndaj janë aty. Në vend që të merren me pastruesit e parave, merren me denoncuesit. Kjo është faza e fundit që duhet të hedh një shoqëri e civilizuar për të çliruar vendin nga droga dhe krimi”
