Virusi i gripit në Shqipëri vazhdon të jetë në rritje, për këtë arsye Ministria e Shëndetësisë do të shtyjë edhe një javë tjetër mbylljen e institucioneve arsimore. Pra, çerdhet, kopshtet dhe shkollat parauniversitare nuk do të hapen në datën 16 siç ishte paralajmëruar, por në datën 23 janar.
Në një email të siguruar nga opinion.al, i cili po qarkullon prej dy ditësh në Ministrinë e Shëndetësisë, thuhet se do të ketë edhe një tjetër urdhër nga kjo Ministri, për mbylljen e çerdheve, kopshteve dhe shkollave në datat 16, 17, 18, 19, 20 janar 2017. “Gjatë javës së fundit, numri i qytetarëve të paraqitur në qendrat shëndetësore për shkak të përhapjes së virusit të gripit në Shqipëri vazhdon të jetë në rritje, ndërkohë që prej tre ditësh, vendi po përballet, me kushtet e motit me temperatura shumë të ulta, të cilat do të vazhdojnë edeh disa ditë. Duke krijuar kushte të favorshme për përhapjen e mëtejshme të virusit”, thuhet në urdhrin e Ministrisë së Shëndetësisë./opinion.al
Ja emaili i Ministrisë së Shëndetësisë
