Presidenti amerikan Donald Trump ka deklaruar se në Shtëpinë e Bardhë ende nuk është diskutuar për pezullimin e ndihmës ushtarake ndaj Ukrainës. Gjatë një konference për shtyp, ai u shpreh se nuk është marrë ende asnjë vendim në këtë drejtim.
Deklarata vjen disa ditë pas një debati të ashpër me presidentin ukrainas Volodymyr Zelensky në Zyrën Ovale dhe pak orë pasi Trump tha se Zelensky po e vinte në provë durimin e tij.
Në lidhje me marrëveshjen për mineralet, Trump deklaroi se ajo nuk është e përfunduar dhe se do të flasë për këtë çështje në fjalimin e tij të nesërm në Kongres për Gjendjen e Kombit.
Ai theksoi se marrëveshja mbetet e rëndësishme për Shtetet e Bashkuara dhe e cilësoi atë si një marrëveshje shumë të mirë.
