Kandidatja për kryetare e PD-së, Edit Harxhi, ka votuar për kreun e ri të Partisë Demokratike.
Në një prononcim për mediat pas votimit, Harxhi është shprehur se janë penguar të votojnë themelues të PD-së, me pretendimin se nuk kanë qenë aktivë në fushatë. Sipas saj, kjo situatë nuk është normale, ndërsa thekson se ndryshimi do të sjellë votën e hapur për të gjithë shqiptarët.
“PD është një aset, është një pasuri kombëtare, sot është dita e demokratëve, uroj shumë që të ketë një pjesëmarrje masive, pasi ne sot votojmë reformimin e PD-së. Absolutisht që mendoj se në radhë të parë do të fitojnë demokratët, jam e sigurt që vota e tyre do të jetë për ndryshimin.
Unë dua të bëj një thirrje për zotin Basha, demokratët duhet të jenë në lista, janë penguar themelues të PD-së që të votojnë, me pretendimin se nuk kanë qenë aktiv në fushatë. Kjo nuk është normale, ndryshimi ynë do të sjellë votën e hapur për të gjithë shqiptarët”, ka deklaruar Harxhi.
E pyetur nëse do të largohet nga PD, nëse humbet garën, Harxhi është shprehur se: “Beteja ime fillon sot, Absolutisht që unë do të vazhdoj aktive edhe pas 30 vitesh, ju thashë që beteja ime fillon sot”./Opinion.al
