Të shtunën do të mblidhet asambleja e përgjithshme e Partisë Socialiste, e votuar nga Kongresi i 19 marsit, sikurse raportonte sot Top Channel.
Mësohet se Asambleja do të votojë sekretarët e rinj të PS-së dhe të zgjedhë sekretarin e përgjithshëm, post që aktualisht mbahet nga Gramoz Ruçi.
Mbetet për t’u parë nëse “burri i hekurt” i PS, të cilin Rama e falenderoi më shumë se këdo tjetër publikisht gjatë Kongresit, do të konfirmohet, apo nëse edhe posti i tij do t’i nënshtrohet rifreskimit, sikurse ndodhi edhe me Asamblenë Kombëtare.
