A do të inagurohet në mars “Loro Boriçi”, me ndeshjen Shqiperi-Turqi?

Në muajin mars të këtij viti pritet të përfundojnë punimet e stadiumit “Loro Boriçi” në Shkodër. Ndonëse u mendua të mbaronin në shkurt, lajmi më i fundit është se ato do shtyhen edhe me një muaj tjetër. Kjo konfirmohet nga burime zyrtare pranë Federatës Shqiptare të Futbollit sipas të cilave, punimet po ecin me ritmin e duhur dhe deri në mars gjithçka do ketë përfunduar. Inagurimi I punimeve të “Loro Boriçit” pritet të bëhet me një ndeshje miqësore që kombëtarja shqiptare e futbollit do të zhvillojë përballë një kombëtareje tjetër. Nga Federata bëjnë të ditur se ende nuk është përcaktuar kundërshtari I kuqezinjve tanë por gjasat janë që kjo miqësore të luhet përballë kombëtares turke. Në lajm i mirë për sportdashësit që tashmë shumë shpejt mund të shohin në stadiumin e tyre edhe futbollistët e kombëtares sonë, pikërisht vetëm tre muaj përpara se ata të përfaësojnë Shqipërinë në Kampionatin Europian.