Trajneri i Kukësit Mladen Milinkoviç ishte shprehur se do i paraqiste dorëheqjen presidentit Gjici, pas humbjes zhgënjyese ndaj Lushnjes.
Por, duket se edhe këtë herë, kreu i klubit të Kukësit, ka refuzuar dorëheqjen e teknikut serb. Gazetari Elvis Rexha citoi një deklaratë të presidentit Gjici për “Zona Gol” në Supersport, duke njoftuar vendimin se Milinkoviç nuk lëviz deri në fund të sezonit.
Ndërkohë, në janar pritet të ketë spastrime të mëdha të futbollistëve, që me sa duket janë konsideruar si fajtorët kryesorë për ecurinë jo të mirë të ekipit.
