Kryetari i Komisionit për Çështjet Europiane në Bundestagun gjerman Gunther Krichbaum mbërrin sot për vizitë zyrtare në Tiranë. Ai është anëtar i CDU-së, partisë së Merkelit. Burime për Opinion.al thanë se Krichbaum do të japë një lajm jo të mirë për Shqipërinë. Gjermania do të kërkojë plotësimin e 7 kushteve për hapjen e negiciatave të Shqipërisë në BE. Pra, Gjermania pritet të japë votë kundër negociatave.
Krichbaum është kryetari i Komisionit Parlamentar për Cështjet e EU-së prane Bundestag-ut Gjerman. Ky komision është përgjegjës për çështjet themelore të integrimit evropian, temat institucionale dhe çështjet e zgjerimit si dhe zotëron kompetenca të veçanta për këto.
Pasditen e sotme Krichbaum do të flasë para mediave për 7 pritshmëritë që ka grupi parlamentar i CDU/CSU ndaj Shqipërisë, të cilat do të mundësonin celjen e negociatave për anëtarësimin e saj në BE.
Ndërsa burime nga Qeveria thonë se të hënën Rama do të jetë në Gjermani ku do të takojë Merkelin.
