Në një intervistë për televizionin KLAN dhe ABC News, Presidenti i Bujar Nishani bëri thirrje për një tryezë politike për reformën në drejtësi, tashmë pasi Komisioni i Venecias ka dhënë orientimin e tij mbi standardet e patjetërsueshme që duhet të ndiqen gjatë këtij procesi. Kreu i shtetit flet për dekriminalizimin, debatin për dekorimet dhe bunkerin, si dhe për fatin e ambasadorëve në pritej të dekretimit prej tij.
Presidenti i Republikës mirëpriti opnionin paraprak të Komisionti të Venecias për reformën në drejtësi, dhe sygjeron edhe një akord mes palëve në një tryezë të posaçme politike.
24 dhjetori shënon një vit nga rezoluta për dekriminalizimin e Parlamentit dhe institucioneve shtetërore. Tashmë vendi ka një ligj dhe ndryshimet kushetuese të dekretuara pa vonesë nga kreu i shtetit, i cili bën thirrje për zbatimin e tij.
Presidenti Nishani jep komentin e tij edhe për debatin e fundit të dekorimeve të kryeministrit. Por përtej kësaj, ai tërheq vëmendjen tek nevoja për dekomunistizimin dhe u kujton autoriteteve që edhe ligjin e miratuar para disa muajsh për hapjen e dosjeve ende nuk kanë nisur ta zbatojnë.
Nuk përfshihet në komente për protestat e opozitës si një e drejtë e saj demokatike, por i pyetur për djegien e bunkerit më 8 dhjetor, kreu i shtetit sheh dhunën e sheh në dy anë.
Një lajm i mirë për kandidatët për ambasadorë që së fundi u dëgjuan në Komisionin e Politikës së Jashtme. Ata pritet të dekretohen nga Presidenti, ndërsa zbulon se kërkesa e tij e kahershme për një proces paraprak konsultimi mes tij e Ministrisë së Jashtme, është marrë parasysh.
