Lirimi nga detyra i Leonard Demit si ambasdor i vendit tonë pranë NATO-s i hap rrugët dërgimit në këtë detyrë të lartë të Visho Ajazit.
Ajazi dha dorëheqjen nga drejtor i SHISH një muaj më parë në kulmin e debatit që shkaktoi skandali i përgjimeve të Tahirit dhe nisja e hetimeve ndaj tij.
Visho Ajazi është emri i Kryeministrit për në NATO. Sakaq emri i tij pritet të marrë marrë edhe dakordësinë e Metës.
Burime zyrtare nga Presidenca thanë për Opinion.al se “dekretimi i Visho Ajazit në NATO do të ndodhë menjëherë pas paraqitjes së tij në Komisionin e Jashtëm parlamentar”.
Presidenti Meta beson se Ajazi do ta realizojë me shume sukses detyrën e re në NATO, thanë burimet pranë Metës. Sakaq kujtojmë se po sot Presidenca e ka dekuruar Ajazin me dekoratën e Artë të Shqiponjës. /Opinion.al
