OFL deri tani ka sekuestruar disa pasuri, kryesisht prona, të personave që sipas policisë së shtetit kanë probleme me ligjin. Drejtuesi i emisionit Opinion, Blendi Fevziu pyeti Sekretarin e Përgjithshëm të Ministrisë së Brendshme se çfarë do të bëhet me pronat nëse këta persona dalin të “pastër”.
Sipas Plarent Ndrecës, nëse dalin të pastër, pronat do të kthehen madje dhe do të dëmshpërblehen nëse ka shkaktuar dëme masa e sekuestros.
Gjatë emisioni ndërhyri dhe avokati i Plarent Dervishajt, që këtë të enjte iu përmend emri nga OFL dhe sipas deklaratës së policisë rezulton në hetim në Gjermani për veprën penale “Trafik i qenieve njerëzore”.
Po avokati tha se Plarent Dervishaj është person i lirë dhe jeton në Gjermani. Ndërkohë gazetari Artan Hoxha tha se me listën e publikuar deri tani ka shumë probleme.
Artan Hoxha: Ai personi atje është i lirë në gjermani, ai Dervishaj. Lulzim Berisha është i lirë, atij që i bënë atentat (Plarent Dervishajt) meqë i kanë gjetur atentatorin thonë hajde të sekuestrojmë pasurinë. Ky është problemi i kësaj liste që kanë bërë. Ardian Çapja po ashtu, nuk është i dënuar. Suel Çela po ashtu mori pafajësi. Emiljano Hysenaj dhe ai tjetri janë në burg në Gjermani, kanë sjellë nga Ekuadori kokainë dhe kanë sjellë 1.8 ton kokainë. 400 milionë euro thoshte policia gjermane dhe këta shkojnë i kapin papaqin. Problematika është që ti ke persona që janë të lirë të padënuar, me pasuri dhe biznese të deklaruara. Me letra ti duhet të punosh me inteligjencë jo me kallashë, ata kapen me përgjime me teknika. Ai nuk kapet duke bërë show. /Opinion.al
