Sekretari i Përgjithshëm i Lëvizjes Socialiste për Integrim, Luan Rama tha se nuk është vendosur ende nëse do të ketë koalicion me Partinë Socialiste për zgjedhjet e parakohshme për Bashkinë e Dibrës.
Gjatë një interviste për TemA TV, Luan Rama e konsideroi Shukri Xhelilin ordiner. Sipas tij, Shukriu nuk është i pari dhe as i fundit. “Ka plot edhe të tillë në të gjitha nivelet”.
Luan Rama: Koalicioni i LSI dhe PS është koalicion vlerash, në funksion të reformave. Të zbresim nga niveli parimor me një episod ordiner nuk i shërbejmë çështjes dhe as interesit qytetar. Ky nuk është i pari rast, ka ndodhur edhe në nivele të tjera. Nga raste të tilla duhet distancuar.
Kujtojmë se në Dibër, koalicioni PS-LSI nuk ka funksionuar. Në zgjedhjet e Këshillit të Qarkut, fitoi Hajri Laçi kandidati i propozuar nga LSI dhe i mbështetur nga Partia Demkratike. Marrëveshja PD-LSI ishte me përfitim të dyfishtë, pasi PD arriti të merrte nënkryetarin e Këshillit të Qarkut me të njëjtën aleancë në votim.
