Sot mbaron afati kushtetues që presidenti të shprehet për dekretimin e Sandër Lleshit si ministër i Brendshëm.
Teksa ishte në aktivitetin “Parlamenti Ndërkombëtar për Tolerancën dhe Paqen” Meta u pyet nga gazerarët nëse do e dekretoje sot Lleshin.
“Ka kohë deri në darkë. Tani po iki në zyrë”, tha Meta.
Kujtojmë se Meta refuzoi dekretimin e Lleshit në pozicionin e ministrit të Brendshëm, pasi mbante graden “Gjeneral”.
Kryeministri pasi e emëroi Lleshin si Zv.ministri të Brendshëm, e propozoi sërish emrin e tij për postin e ministrit duke ia çuar propozimin Metës. Lleshi kësaj radhe ka hequr dorë nga grada ushtarake, pra kërkon të çdekretohet si gjeneral dhe të emerohet minister.
