Kreu i Partisë Demokratike Lulzim Basha, foli sot nga Shkodra rreth situatës së pandemisë në Shqipëri.
I pyetur nga gazetarët nëse do ta bënte vaksinën kundër Covid-19, kur ajo të vinte në Shqipëri, Basha tha se do të vaksinohej dhe se do të kërkonte vaksinimin e te gjithë qytetarëve shqiptarë.
Përveç kësaj, kreu i PD ka kërkuar një përgjigje nga qeveria se përse akoma nuk janë marrë masa për sigurimin e vaksinës së Covid në mënyrë të drejtpërdrejtë.
“Pyetja është ndryshe pse Shqipëria nuk ka marrë masa. Pa diskutim jo vetëm kaq, por publikisht do kërkoj që shqiptarët të vaksinohen. Çdo vend tjetër ka marrë masa shumë më të përshtatshme për të siguruar vaksinën se sa Shqipëria. Kemi bërë një rezervim me COVAX-in e OBSH-së, ndërkohë që Kosova ka marrë grant dhe borxh nga Banka Botërore për ta blerë drejtpërdrejt, ndërkohë që Maqedonia e Veriut ka bashkuar forcat me një vend të BE-së për ta marrë drejtpërdrejt, kryeministri dhe në këtë rrafsh e ka lënë Shqipërinë të fundit në rajon për sigurimin e vaksinës dhe kjo është për mua e papranueshme”, deklaroi Basha. /Opinion.al
