Në Gjykatën Kushtetuese është zhvilluar seanca e kërkesës së Partisë Demokratike për shfuqizimin e Bordit të Transparencës për caktimin e çmimit të naftës.
Deputeti i PD-së, Dashnor Sula në një dalje për mediat është shprehur se bordi është abuzues dhe se po dëmton ekonominë shqiptare.
‘Është ngritur vetëm për 1 apo dy kompani të hidrokarbureve. Çmimi i karburantit është jashtë çdo lloje logjike. Në një kohë që edhe çmimi në bursë. Këtu ishte çmimi më i lartë. Është haptazi me qëllim përfitues. Kemi të bëjmë me një mënyrë të përfitimit të gjitha formave’, tha Sula.
Gjithashtu deputetja Dhurata Çupi u shpreh se bordi cenon mbrojtjen e interesave të qytetarëve duke thënë se në 30 vitet e fundit çmimi i karburantit ka qenë shumë i lartë.
‘Paraqitëm qartësisht se është në cenim të të drejtës kushtuese. Është një cenim i thellë të mbrojtjes së interesave të qytetarëve, me çmimet abuzimeve për qytetarët. Një bord publik privat. I jashtëzakonshëm i pa parë në asnjë vendimmarrje të vendeve të tjera. Bëhen edhe pjesë e bordit të qeverisë. Çmimet e karburantit kanë qenë të jashtëzakonshme më të larta në 30 vite. Në dëm të interesave të qytetarëve. Ky projektligj duhet të shfuqizohet.’- tha Çupi./Opinion.al
