Ka përfunduar përballja e ish-zyrtares së Kryeministrisë Alda Klosi dhe pastueses Rozeta Dobi në Prokurori.
Ende nuk dihet se çfarë është thënë, por duket se Alda Klosi ka dalë e qeshur nga Prokuroria pas ballafaqimit.
Është hera e parë që ndodh ballafaqimi mes dy grave, që pas rrëfimit të sanitares, e cila deklaroi se nuk i kishte grabitur paratë nga shtëpia e ish-zyrtares, por vetë Klosi ia kishte dhënë për t’i ruajtur dhe se vjedhja ishte e inskenuar.
Çfarë deklaroi pastruesja Rozeta Dobi:
Nuk kam dijeni kush i sillte, por paratë vinin në çantë. Në dhjetor 2022 Alda ngaqë kishte konflikte me burrin më kërkoi t’i ruaja. Ditën që i mora me çantë i mora nga kasaforta, pasi Alda nuk ishte në shtëpi. Më tha ajo vetë merri në kasafortë. Ngjarjen e vjedhjes e inskenova pasi ajo donte të ngarkonte me përgjegjësi burrin atë ditë nuk kam marrë lekë.
Kujtojmë se mbi Alda Klosin rëndojnë tre akuza, pastrim parash, fshehje të pasurisë dhe deklarim i rremë në hetuesi./Opinion.al
