Banorët e fshatrave Hyzgjokaj dhe Ballagat në Lushnjë janë të shqetësuar pasi kanë rënë pre e grabitësve.
Persona me maska hyjnë nëpër banesa dhe u marrin çfarë gjejnë. Banorët thonë se u rrezikohet edhe jeta.
“Janë futur nga dritarja e banjos, në orën 2 ose 2 e gjys ka qenë vjedhja se në orën 3 dola unë bashkë me gruan. Kanë vjedh 20 bidona vaj, më kishin marrë pensionin tim aty te rrobat në dhomë.“
“Shyqyr që nuk na gjetën zgjuar se do na kishin sakatu. Do na kishin dërrmu.”
“Erdhën 3, 4 persona me maska. Na morën ça gjetën dhe ikën.”
Rastet e vjedhjeve janë denoncuar në polici dhe uniformat blu kanë nisur hetimet./ Klan News
