Deputetja e Partisë Demokratike, Ina Zhupa ka postuar në rrjetet sociale kërkesën zyrtare për të përjashtuar nga Kuvendi ministren, Elisa Spiroli për 10 ditë , për gjuhën e përdorur ndaj deputetit Edmond Spaho.
Zhupa thotë se Spiropali ka fyer Spahon duke përfituat nga mos prezenca e tij në parlament.
Deputetja demokrate shprehet se kjo gjuhë fyese nuk përputhet me kodin etik të Kuvendit,por në parlament është bërë rrugë për aq kohë sa mazhoranca ka kartonat e mandateve të cilat i kanë blerë.
Kërkojmë zyrtarisht përjashtimin 10 ditë nga kuvendi të Elisa Spiropalit për gjuhën e përdorur në drejtim të deputetit Edmond Spaho.
“Duke përfituar nga përjashtimi pa rregulla i bërë deputetit Spaho dhe mos prezenca e tij në sallë që të merrte përgjigjen që meritonte, Elisa Spiropali nxorri arsenalin e saj fyes që i shkon përshtat komunikimit që përdorin rilindasit në zyrat e shtetit por që nuk përputhet me kodin etik të kuvendit.
Në parlament e kanë bërë zakon të fyejnë dhe të mallkojnë pa pyetur për kod etik sepse kanë kartonat e mandateve të blera që i mbrojnë dhe rregulloren e kanë kthyer në copë letër për recitim parlamentar”, shkruan Zhupa./Opinion.al
