Shtetet e Bashkuara të Amerikës kanë rrëzuar një tjetër objekt fluturues të paidentifikuar, këtë herë mbi liqenin Huron pranë kufirit me Kanadanë. Ky është objekti i katërt i paidentifikuar i rrëzuar këtë muaj.
Përfaqësuesja e Miçiganit në Kongresin amerikan, Elissa Slotkin, tha se objekti ishte rrëzuar nga një avion i Forcës Ajrore dhe Gardës Kombëtare. “Punë e paqme nga të gjithë ata që kryen këtë mision”, tha ajo.
Uashingtoni ka qenë në nivel të lartë alerti që prej shkatërrimit të një balone spiune kineze që fluturonte mbi qiellin amerikan më 4 shkurt. Incidenti i të dielës është i treti në tri ditë rresht ku avionët amerikanë rrëzojnë objekte të paidentifikuara. Të shtunën edhe Kanadaja njoftoi se kishte rrëzuar një tjetër mjet fluturues të paidentifikuar në hapësirën e saj ajrore.
Të dy palët, ajo amerikane dhe ajo kanadeze, po punojnë për tërheqjen e këtyre objekteve të rrëzuara, Por në Alaskë, ku u rrëzua njëri prej tyre, operacioni është ndërprerë për shkak të kushteve arktike.
