Kryetari i PD, Sali Berisha ka reaguar lidhur me protestën e zhvilluar ditën e djeshme kundër qeverisë “Rama”.
Nëpërmjet një postimi në rrjetet sociale, Berisha shkruan se mediat botërore i kanë dhënë jehonë protestës së zhvilluar kundër kryeministrit Edi Rama dhe takimeve që ky i fundit ka bërë me ish-zyrtarin e FBI, McGonigal.
Teksa falenderon qytetarët që iu bashkuan protestës, Berisha e mbyll postimin e tij duke shkruar “rroftë revolucioni”.
Postimi i Berishës
Jehonë e jashtëzakonshme botërore e revoltës popullore anti Rama!
Të dashur miq, të gjitha agjensitë radiot, televizionet gazetat, kryesore të lajmeve të botës Reuters, AP, AFP Ansa, VOA, DË, REL i kanë bërë një jehonë të jashtëzakonshme në SHBA, Europë dhe kudo në botë protestës madhështore të opozitës Shqiptare kundër korrupsionit të tij dhe vjedhjes së shqiptarve si dhe kundër korruptimit nga ana e Edi Ramës të kreut të kundërzbulimit të FBI McGonigal si vrasës me pagesë ndaj opozitës shqiptare.
Një falenderim të sinqertë mediave që protestën tonë e bënë kryelajm të ditës në mbarë botën dhe mirënjohje të pakufishme qindra-mijëra qytetarëve që u mblodhën dje nga të katër anët e vendit kundër armikut tyre të egër Edi Rama. Rroftë Revolucioni! #sb
