Një 53-vjeçar shqiptar, i cili ndodhej në arrest shtëpie, është rikthyer në qeli, pasi është kapur “mat” nga policia duke konsumuar kokainë në banesën e tij, së bashku me disa miq, ndërsa kishin shtruar edhe barbeque.
Shqiptari i arrestuar për trafik droge në muajin dhjetor ishte lënë nga gjykata në “arrest shtëpie”, por kur policia i shkoi për një kontroll rutinë për të parë nëse ishte aty, karabinierët e gjetën 53-vjeçarin nën shoqërinë e disa miqve, në tarracën e shtëpisë, me skarë të ndezur dhe mish duke u pjekur në të.
Po ashtu, atyre iu gjetën në tavolinë 10 gramë kokainë, mbi 900 euro dhe materiale të tjera të dobishme për të paketuar gjithçka, përkatësinë e të cilave i mori përsipër shqiptari. Ky i fundit u rikthye kështu brenda qelive të burgut, duke rënduar pozitat e tij.
