Një 33-vjeçar është arrestuar nga policia pasi kundërshtoi autoritetet për ti vënë gjobë të vëllait.
Shtetasi me iniciale D.Z., banues në Ballsh ka kundërshtuar dhe është munduar të pengojë oficerët e policisë të Mallakastës të cilët ishin duke i vënë gjobë vëllait të tij për shkelje të sinjalistikës rrugore.
“Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin D. Z., 33 vjeç, banues në Ballsh, pasi ka kundërshtuar dhe ka tentuar të pengojë punonjësit e Patrullës së Përgjithshme të Komisariatit të Policisë Mallakastër, të cilët, në përmbushje të detyrave funksionale, ishin duke ndëshkuar me masë administrative vëllain e 33-vjeçarit, për shkelje të sinjalistikës rrugore”, thuhet në njotimin e policisë.
Materialet procedurale në ngarkim të tij i kaluan prokurorisë, për veprime të mëtejshme.
