Kryeministri, Edi Rama, ka mbledhur këtë të hënë grupin parlamentar të PS-së. Mësohet se mbledhja po zhvillohet për performancën e deputetëve dhe ministrave.
Burime për Klan News bëjnë me dije se Rama ka patur kritika ndaj deputetëve të Vlorës për faktin që thuajse të gjithë duan të bëhen kryetar bashkie. Po ashtu kreu i qeverisë ka patur kritika ndaj të gjithë deputetëve për mospjesmarrjen në komisionet parlamentare.
Ndër të tjera ai ka vlerësuar performancën parlamentare të ministres Elisa Spiropali, ndërsa ka shprehur pakënaqësi për ministren Olta Xhaçka.
