Sikurse kishte paralajmëruar, kryeministri Rama do të vendosë një taksë të jashtëzakonshme për prodhuesit e energjisë.
Në një postim në “Facebook” kreu i qeverisë bën me dije se taksa do të nisë të mblidhet në muajin Prill.
Sipas Ramës kjo taksë do të shërbejë për të mbështetur pensionistët dhe më pas kategoritë më në nevojë.
“Në Prill mblidhet kësti i parë i Taksës së Jashtëzakonshme mbi prodhuesit e mëdhenj të energjisë dhe siç jemi zotuar, kjo taksë do të shërbejë për të mbështetur në radhë të parë pensionistët, e sipas mundësisë dhe radhës kategoritë më në nevojë”, shkruan Rama.
Prej ditës së djeshme, kabineti qeveritar është mbledhur në vilën 31 në zonën e ish-bllokut ku po zhvillon mbledhje.
