Deputeti i PD-së, Ervin Salianji, ka fituar gjyqin në Apelin e SPAK, ndaj Evi Kokalarit.
Vendimi është dhënë nga trupa e gjyqtarëve e kryesuar nga Daniela Shirka, me anëtare Saida Dollani dhe Miliana Muça.
Kokalari ka paditur Salianjin për kryerjen e veprave penale të “Fyrejes” dhe “Shpifjes”. Deputeti demokrat tha se burri i aktivistes është pjesë e organizatës së “Agimit të Artë”. Ndërkohë, në një emisionin televiziv, Salianji e etiketoi Kokalarin si njeri pa përfaqësim.
Në 9 vite opozitë Salianji është proceduar dhe paditur më shumë se 600 herë. Paditë kanë qenë me akuzat e shpifjes nga drejtuesit me te larte te qeverise dhe deputetë të Partisë Socialiste dhe po ashtu procedime ka patur nga policia dhe prokuroria për organizim protestash apo kundërshtim të forcave të policisë gjatë tubimeve.
Në të gjitha rastet gjykatat në përfundim te gjykimeve kane vendosur pushim ose pafajësi duke i dhënë të drejtë Salianjit.
