Kryeministri Edi Rama ka reaguar pas deklaratave të Partisë Demokratike ditën e sotme, ku thuhej se Çekia ka kërkuar që Shqipërisë ti rikthehet regjimi i vizave me BE si përpara vitit 2010.
Përmes një postimi në “Twitter” Rama shkruan se Bashkimi Europian nuk ka asnjë gjasë të rikthejë regjimin e vizave me Shqipërinë.
Kreu i qeverisë e cilëson si një thashethem, ndërsa shkruan se të gjithë e dinë se kujt i është vënë viza, duke iu referuar këtu ish-kryeministrit Sali Berisha.
“Të gjithë e dinë se kujt i është vënë viza në Shqipëri, askush mos çuditet si e qysh përhapet thashethemi se BE-ja do kthejë regjimin e vizave! Nongrata nuk ka shans të hiqet, vizat nuk ka gjasë të vihen dhe opozita e rublave sado të japë shpirt s’ka për të hequr dorë”, shkruan Rama në Twitter./Opinion.al
Të gjithë e dinë se kujt i është vënë viza në Shqipëri, askush mos çuditet si e qysh përhapet thashethemi se BE-ja do kthejë regjimin e vizave! Nongrata nuk ka shans të hiqet, vizat nuk ka gjasë të vihen dhe opozita e rublave sado të japë shpirt s’ka për të hequr dorë #RublaÇorba
— Edi Rama (@ediramaal) October 18, 2022
