Të paktën dy shpërthime u regjistruan në qendër të Kievit pak pas orës 08:00 me orën lokale.
Një ekuipazh i BBC-së ishte dëshmitar i një prej sulmeve me raketa. Sirenat e sulmit ajror kishin rënë rreth 90 minuta më parë.
Pas shumë muajsh Kievi është goditur sërish dhe shpërthimet gjithashtu duken të jenë shumë më qendrore se sulmet e mëparshme në luftë.
Ndërkohë ka raportime për sulme gjatë natës edhe në Dnipro dhe Zaporizhzhia.
“Një ndërtesë banimi shumëkatëshe u shkatërrua përsëri. Ka viktima,”- postoi guvernatori rajonal i Zaporizhzhia, Oleksandr Starukh në aplikacionin e mesazheve Telegram rreth orës 03:00 me orën lokale (01:00 BST).
Shërbimet e urgjencës kanë dalë në vendin e ngjarjes, shtoi ai. Zaporizhzhia është goditur vazhdimisht në javët e fundit, me dhjetëra njerëz të vrarë.
Ndërkohë, ishte një “natë sulmesh masive” në Dnipropetrovsk, sipas një përditësimi nga vetë guvernatori i rajonit Valentyn Reznichenko, i cili akuzon Rusinë për granatimet e shumë rajoneve.
Moska nuk ka komentuar ende mbi shpërthimet e raportuara në mbarë Ukrainën këtë mëngjes.
Sipas shërbimeve të urgjencës ukrainase ka të vrarë dhe të plagosur nga sulmet në Kiev. Nuk dihet ende saktësisht se sa njerëz kanë vdekur apo janë lënduar./Opinion.al
Just minutes from my home. Just 20 minutes ago. What is #Russia trying to hit? The national university? The park? Or the playground? pic.twitter.com/311EHalGH6
— Lesia Vasylenko (@lesiavasylenko) October 10, 2022
