Një fëmijë 5-vjeç është goditur aksidentalisht nga një i mitur tjetër me biçikletë ditën e sotme duke marrë goditje në kokë.
Sipas policisë ngjarja ka ndodhur rreth orës 16:40 në fshatin Sovjan në Maliq të Korçës. Pas aksidentit, i mituri është dërguar fillimisht në Spitalin e Korçës dhe më pas është transportuar drejt Tiranës për mjekim më të specializuar.
“Më datë 29.08.2022, rreth orës 16:40, në Spitalin e Korçës, ka mbërritur për mjekim një i mitur 5-vjeçar, banues në fshatin Sovjan, Maliq, i cili duke luajtur në fshat, është goditur aksidentalisht nga një i mitur tjetër me biçikletë. Për pasojë 5-vjeçari ka marrë dëmtime në kokë dhe pas mjekimit të marrë në Spitalin e Korçës u transportua në Tiranë, për mjekim më të specializuar”, thuhet në njoftimin e policisë./Opinion.al
