Një ngjarje e rëndë ka ndodhur në Bihar të Indisë, ku një vajzë 5-vjeçare ka humbur jetën si pasojë e pickimit të një gjarpri teksa ishte duke luajtur në oborrin e shtëpisë.
Mediat e huaja raportojnë se e mitura u transportua me urgjencë në spital por fatkeqësisht mjekët nuk kanë arritur ta shpëtojnë atë.
Ndërkohë, burimet lokale kanë thënë se pas kësaj ngjarje të rëndë, në atë pronë janë gjetur dyzet gjarpërinj.
Gjarpërinjtë u mblodhën në thasë të mëdhenj, të cilët më pas u hodhën në kontenjerë për t’i hequr nga zona e banuar.
