Një aksident është regjistruar pasditen e sotme në aksin Levan-Tepelenë, në fshatin Buzëmadh.
Sipas policisë, shtetasi N. Sh., 63 vjeç, duke drejtuar automjetin tip “Honday”, ka humbur kontrollin e mjetit dhe ka dalë nga rruga. Si pasojë e aksidentit ka mbetur i dëmtuar drejtuesi i mjetit dhe pasagjerët, shtetasit M. M., 60 vjeç dhe Dh. Sh., 56 vjeçe, të cilët ndodhen në spital.
“Sot, rreth orës 16:00, në aksin rrugor Levan-Tepelenë, në fshatin Buzëmadh, shtetasi N. Sh., 63 vjeç, duke drejtuar automjetin tip “Honday”, ka dalë nga rruga dhe për pasojë është dëmtuar drejtuesi i mjetit dhe pasagjerët, shtetasit M. M., 60 vjeç dhe Dh. Sh., 56 vjeçe, të cilët ndodhen në spital, nën kujdesin e mjekëve.
Grupi hetimor po punon për zbardhjen e shkaqeve të daljes nga rruga”,-njofton policia./Opinion.al
