Pas Tabakut edhe Alibeajt, në mbledhjen e sotme të grupit Parlamentar të PD edhe Sekretari i Përgjithshëm i PD, Gazmend Bardhi i ka kërkuar Bashës të bëjë një hap pas. Bardhi ka theksuar se edhe Berisha duhet të tërhiqet nga PD duke i hapur rrugë bashkimit të partisë.
Bardhi ka theksuar se duhet një zgjidhje që i bën demokratët bashkë pasi sipas tij nëse kjo nuk ndodh PD rrezikon të copëzohet.
Gazment Bardhi: Vendimin e 9 shtatorit e mbështes sa te kem fryme jo për shkak te karriges të askujt, por se besoj edhe sot se është rruga e vetme për të fituar. Për shkak të atij vendimi partisë iu shpall lufte. Jemi ne gjendje lufte dhe po e dëmton PD ne sytë e opinionit publik. Për të ndalur gërryerjen e partisë, e vlerësoj qëndrimin tuaj për t’u vendosur ne dispozicion te grupit dhe kryesisë për te gjetur një zgjidhje. Një hap pas i juaji qe merr me vete edhe Sali Berishen, i hap rrugën një procesi bashkimi është shansi vetëm për t’i dhëne mundësi PD. Ne nuk mund te improvizojmë. Sepse rrezikojmë te copëzohemi akoma me shume. Këtu jemi pak. Edhe me ata jashtë jemi pak. Pra na duhet te dimë tani hapin a, b dhe c. Mundësinë për te fituar demokratëve ne 2023 ia japim duke pare interesin e PD. Hap pas pa bere kthim pas, sepse kështu nuk shkojmë askund. Na duhet te gjejmë një zgjidhje te plote, jo te pjesshme. Ajo qe propozon Dashi duhet te marre dhe miratimin e palës tjetër. Na duhet një zgjidhje qe qetëson demokratët, se jemi ne gjendje lufte dhe qe i bën bashke demokratet. Pra, vendimi për Sali Berishën nuk mund të zhbëhet. Këtu kemi qene te gjithë dhe e kemi mbështetur. Tërheqja juaj dhe e Sali Berishës mund të përbashkojë, dhe mund te jap një shans për zgjidhje. Zgjidhja duhet te jete e plote, afatgjate. Është një rruge për t’u testuar për te sjelle demokratet ne pushtet.
