Pushtimi i Rusisë rrezikon një katastrofë humanitare në Evropë, ka paralajmëruar Organizata Botërore e Shëndetësisë.
Në një deklaratë, zyra rajonale e OBSH-së për Evropën u kërkoi gjithashtu luftëtarëve të sigurojnë që punonjësit shëndetësorë dhe spitalet të mos ishin në shënjestër, megjithëse lutja e saj erdhi pas raportimeve se një predhë ruse kishte goditur tashmë një spital në Vuhledar në Donetsk në Ukrainën lindore.
Në kohën kur lufta ka shpërthyer në Ukrainë, zyra rajonale e OBSH-së për Evropën përsërit shqetësimin e saj më të thellë për sigurinë, shëndetin dhe mirëqenien e të gjithë civilëve të prekur nga kriza në vend dhe ndoshta më gjerë.
OBSH shtoi se, përmes zyrës së saj në Ukrainë, seksioni evropian i OBSH-së “vazhdon të japë mbështetjen e nevojshme për çështjet urgjente shëndetësore, veçanërisht përballë një shpërthimi të vazhdueshëm të poliomielitit dhe Covid-19”.
