Mediat greke kanë raportuar mëngjesin e sotëm se rreth 5,000 shoferë kanë kaluar orë të tëra të bllokuar në makinat e tyre në temperatura të ulëta në autostradën Attiki Odos, në Athinë.
Ndërsa dhjetëra të tjerë mbetën të bllokuar deri të martën në mëngjes, ushtria, zjarrfikësit dhe shërbimet e ambulancës dhe policia iu shpërndanë ujë batanije dhe ushqime.
Disa shoferë raportuan se ishin të bllokuar në makinat e tyre për më shumë se 20 orë, këtë fakt e treguan në postimet e tyre në rrjetet sociale, ku u shprehën të revoltuar.
Mes të bllokuarve në rrugët mbuluara me dëborë kishte edhe prindër me fëmijët e tyre, të cilat braktisën makinat dhe nisën të ecnin për të kërkuar ndihmë dhe strehim.
Një tjetër postim në rrjetet sociale tregon disa dhjetëra shoferë që mbetën të bllokuar nga dëbora, që flinin në hollin e një hoteli.
Attiki Odos SA, kompania përgjegjëse për mirëmbajtjen e autostradës, e administruar privatisht, kërkoi falje të hënën, duke thënë se do të kryejë një hetim të plotë se pse u prishën sistemet e reagimit ndaj emergjencave.
Ndërsa përpjekjet vazhduan mëngjesin e të martës për të pastruar autostradën nga bora dhe akulli, si dhe nga automjetet e braktisura dhe kamionët. Policia iu drejtoi një apel drejtuesve të mjeteve duke thënë që nuk duhet të dalin në rrugët e Athinës pa zinxhirë dëbore, pasi kushtet mbeten të rrezikshme./Opinion.al
