Fotoja e diktatorit Enver Hoxha pranë flamurit shqiptar ka shkaktuar reagim mes deputetëve demokratë, ndërsa kolegu i tyre socialist Bujar Çela ka zgjedhur pikërisht këtë imazh si mënyrën për të uruar ditën e Pavarësisë së vendit.
Është deputeti Enkelejd Alibeaj i cili ka ndarë në rrjetin social Facebook komunikimin e deputetëve në Komisionin Parlamentar të Sigurisë. “Ja se cfare poston Bujar Cela, deputet i PS, si urim per diten e pavaresise se shqiptareve: flamurin e shqiptareve me foton e diktatorit permbi te! Ia ktheva pergjigjjen une dhe koleget e mi deputete te PD! E pra komunizmi, kjo fare e keqe, i ka rrenjet shume te thelle! Duhet urgjentisht dekomunistizim i shoqerise shqiptare”, shkruan Alibeaj!
Ndërkohë, deputeti Çela është ndjerë i patrazuar nga kjo situatë që ka krijuar. Madje, nuk e ka kursyer fjalorin, duke u përgjigjur me fjalët: Më rruan lesht kush s’më njeh mua dhe kohën./Opinion.al
