Nga Aurenc Bebja
Pretendenti i fronit shqiptar merr azil në Egjipt
Burimi : International Herald Tribune, e enjte, 3 korrik 1980, f.2
Kajro, 2 korrik (Reuters) — Mbreti Leka I, pretendenti i fronit të Shqipërisë, i është bashkuar listës në rritje të mbretërve në ekzil dhe sundimtarëve të rënë që kanë marrë azil politik në Egjipt.
Leka, djali i ish mbretit Zog të Shqipërisë i cili vdiq në mërgim në 1961, u takua dje me Presidentin Egjiptian Anwar Sadat dhe zyrtarët thanë sot se ai kishte marrë azil në emër “të vlerave supreme humanitare që rrjedhin nga besimi tolerant i Islamit”.
Midis atyre që ai gjen në ekzilin egjiptian janë Shahu i rrëzuar i Iranit, mbreti Idris i Libisë dhe ish-presidenti i Jemenit Abdullah Salal (al-Sallal).
