Kandidati për kryetar i PD-së, Agron Shehaj ka reaguar pak pas vendimit zyrtar të shpallur nga kreu i Komisionit Zgjedhor të selisë blu, Jemin Gjana, i cili shpalli fitues të zgjedhjeve brenda partisë, Lulzim Bashën.
Në një postim rrjete sociale, teksa falenderon të gjithë që e votuan si dhe ekipin e tij, Shehaj i fton ta ndjekin sot në emisionin “Opinion”, në orën 22.00.
“Ju falenderoj me gjithë zemër të gjithë ju demokratëve që më votuat. Ju jam mirënjohës juve dhe gjithë qytetarëve që më besuan dhe më mbështetën për të sjellë një frymë dhe qasje të re në politikë. Ndihem pafund mirënjohës ndaj vëzhguesve dhe ekipit që punoi me mua këto tre javë. Më ndiqni sot në Opinion, 22.00!”, shkruan Shehaj./Opinion.al
