Projekti i rrugës Vlorë-Orikum është kthyer në “mollë sherri” mes presidentit Ilir Meta dhe qeverisë “Rama”.
Teksa mbështet akuzat se presidenti nuk jep autorizim për negociata me Fondin Saudit për marrëveshjen e huas, Rama i bën thirrje Metës përmes një postimi në “Facebook” që të mos pengojë zhvillimin e Vlorës.
Rama i drejtohet Presidentit se “Vlora nuk është LSI, por konaku i Shqipërisë.” Sipas tij, projekti i rindërtimit të segmentin Vlorë – Orikum është marrë peng.
Kryeminsitri thotë se “projekti financohet nga Fondi Saudit dhe është bllokuar nga Ilir Meta, për arsyen e kuptueshme kollaj fare nga çdo qytetar i Vlorës e i Shqipërisë, nëse s’është kaçak i LSI-së”
Postimi
Mos e pengo Vloren Ilir, sepse Vlora s’është ledh i LSI-së, po është konaku i Shqipërisë
Ndiqni Ministren e Financave dhe Ekonomisë, Anila Denaj, në komunikim me publikun për pengmarrjen e projektit të rindërtimit në segmentin Vlorë – Orikum
(Projekti financohet nga Fondi Saudit dhe është bllokuar nga Ilir Meta, për arsyen e kuptueshme kollaj fare nga çdo qytetar i Vlorës e i Shqipërisë, nëse s’është kaçak i LSI-së)./ Opinion.al
