Një person është arratisur nga komisariati i policisë Nr.1 në Tiranë. Bëhet me dije se personi i arratisur është identifikuar si Ridian Lala 30-vjeç, i cili ishte arrestuar për armëmbajtje pa leje.
Arrestimi i tij është bërë më 2 janar në zonën e quajtur “Ali Demi” në Tiranë. Lala pasi ka konstatuar policinë ka tentuar të largohet, por efektivët mundën ta ndalonin dhe ta arrestonin.
Por, deri më tani ende nuk është e qartë se si Rigers Lala ka mundur të arratiset nga komisariati.
Ndërkohë, Gjykata e Tiranës ka caktuar masën e sigurisë në mungesë për 30-vjeçarin për akuzën e armëmbajtjes pa leje, ndërsa për arratisjen nga komisariati Gjykata do të japi një vendmi në një tjetër moment pasi dosja nuk ka mbërritur ende.
Ndërkohë,
Njoftimi i Policisë së Tiranës, 2 janar
Qarkullonte me armë zjarri me vete, por falë dhe bashkëpunimit me qytetarët, Policia lokalizon dhe vë në pranga 30-vjeçarin.
Sekuestrohet në cilësinë e provës materiale një armë zjarri pistoletë.
Si rezultat i rritjes së besimit të qytetarëve tek Policia, është marrë informacion se një i ri po qarkullonte me armë zjarri në zonën e Ali Demit.
Menjeherë u organizuan shërbimet e Policisë për lokalizimin dhe kapjen e personit.
Si rezultat i reagimit të menjëhershëm , shërbimet e Komisariatit të Policisë Nr.1, në bashkëpunim me Forcën e Posaçme “Shigjetat”, bënë të mundur që në lagjen “Ali Demi” të lokalizonin personin e dyshuar, i cili sapo ka parë shërbimet e Policisë ka hedhur armën e zjarrit në tokë dhe ka tentuar të largohet me vrap, por gjatë ndjekjes është kapur dhe prangosur nga shërbimet e Policisë.
Në përfundim të veprimeve të para hetimore u bë arrestimi në flagrancë i shtetasit R.L., 30 vjeç, dhe materialet do ti kalojnë Prokurorisë së Rrethit Gjyqësor Tiranë, për veprime të mëtejshme./ Opinion.al
