Policia është tashmë në gatishmëri, ndërkohë që protestuesit tashmë kanë shkuar drejt Kryeministrisë. Sipas raportimit në media në bulevard nuk është ndalur qarkullimi i automjeteve, çka bën që protestuesit të hyjnë mes makinave.
Përpara Kryeministrisë disa protestues janë shtrirë në tokë, ndërkohë që të tjerë kanë nisur të këndojnë himnin, shoqëruar nga thirrjet “Drejtësi për Klodianin”.
Nën thirrjet “Lironi shokët tanë”, protestuesit janë krejtësisht të qetë dhe paqësore.
Në protestën e sotme, që ka nisur pa konfrontime protestuesit kanë kërkuar dorëheqjen e Drejtorit të Përgjithshëm të Policisë, Ardi Veliu.
Deri në këto momente policia nuk ka kryer asnjë ndalim dhe nuk ka ndërhyrë me forcë ndaj protestuesve./Opinion.al
