Gjykata e Tiranës ka dënuar me 30 vite burg Islam Myrtajn, i akuzuar për vrasjen e biznesmenit Haxhi Baçinozi në 16 mars të vitit të shkuar.
Myrtaj është shpallur fajtor për veprat penale “Vrasje me paramendim” dhe “armëmbajtje pa lejë”.
Mësohet se në gjykatë Islam Myrtaj shfaqi pendesë për krimin, por mohoi faktin se kishte kryer vrasjen me paramendim.
Ngjarja e rëndë ndodhi te Liqeni Artificial në sy të djalit të viktimës. Myrtaj e vrau mikun e tij për një borxh prej 45 mijë euro nga tregtia e përbashkët që kishin vite më parë. Fillimisht mes tyre pati një përplasje verbale. Baçinozi i kërkoi sasinë e eurove Myrtajt, dhe në debat e sipër ai ka nxjerrë armën nga brezi dhe ka nisur të qëllojë Baçinozin plot katër herë duke e lënë të vdekur në vend.
Islam Myrtaj u vetëdorëzua në Drejtorinë Vendore të Policisë Tiranë, 4 ditë pas vrasjes, i shoqëruar nga avokati i tij, pas një negociate mes Policisë dhe këtij të fundit./Opinion.al
