Një polic është arrestuar në flagrancë pasi u zbulua se ndihmonte emigrantët për kalim të paligjshëm të kufirit.
Polici 24-vjeçar u ndalua në dalje të qytetit të Pogradecit. Nga kontrolli ka rezultuar se me automjetin e tij po transportonte dy migrantë sirianë, të cilët i ka marrë në dalje të qytetit të Bilishtit për t’i dërguar drejt Tiranës kundrejt shpërblimit prej 70 eurosh.
Në cilësinë e provës materiale u sekuestrua automjeti, karta ID, patenta, pistoleta TT, 450 euro, 10 mijë lekë, 3 telefona celularë./ Opinion.al
