Duket se çështja e kreut të kreut të Kontrollit të Lartë të Shtetit është drejt zgjidhjes.
Komisioni i Ekonomisë në Parlament ka miratuar propozimin e Presidentit Ilir Meta për zgjedhjen e Arben Shehut në krye të KLSH.
Komisioni votoi këtë të martë me 15 vota pro, 1 abstenim dhe dy kundra, kandidaturën e Arben Shehut. Tashmë pritet që emri i tij të shkojë në Kuvend për t’u votuar.
Kandidatura e Arben Shehut vjen pas rrëzimit të 3 emrave që Presidenti Meta kishte bërë më parë për drejtuesin e KLSH.
Në arsyetimin e tij për Arben Shehun kreu i shtetit theksonte se se gjatë eksperiencës mbi 16 vjeçare në jetën akademike, Dr. Arben Shehu është një ndër njohësit më të mirë të drejtësisë penale. Z.Shehu është diplomuar gjithashtu edhe në fushën e e ekonomisë dega “Administrim Biznesi”, me një eksperiencë të gjatë akademike, kërkime dhe shkrime shkencore, por edhe përvojë të spikatur në zbatimin e ligjit, si ushtrues aktiv i profesionit të avokatisë.
Arben Shehu ka lindur në Shkodër në vitin 1980. Ai është diplomuar në vitin 2002 si jurist në Fakultetin e Drejtësisë, Universiteti i Tiranës ndërsa ka përfunduar në vitin 2005 edhe masterin. Në vitin 2011 ka marrë gradën shkencore “Doktor i Shkencave Ligjore” në fushën e krimit të organizuar dhe legjislacionit ndërkombëtar. Në vitin 2018 është diplomuar për Administrim Biznes. Njeh tre gjuhët të huaja (Anglisht, Italisht, Frëngjisht). Në karrierën e tij ai është pedagog në fakultetin e Drejtësisë në Tiranë që prej vitit 2004, është redaktor në “World Journal of Social Science Research”. /Opinion.al
