Ne jemi akoma në kapitujt e parë të historisë së Covid-19 dhe është shumë shpejt që të gjykojmë ndikimin e plotë të pandemisë. Por mund të dallojmë disa tendenca negative që po shfaqen në Evropë.
Sipas “The Guardian”, këto të gjitha ishin shfaqur para se virusi të godiste, por tani po përshpejtohen. Në mënyra të ndryshme të gjitha kanë të ngjarë të ndihmojnë kauzën e populistëve anti-BE.
Deglobalizimi
Shumë kohë para se të mbërrinte Covid-19, u fol për “deglobalizim” dhe “riorganizim” të zinxhirëve të furnizimit. Kjo buronte pjesërisht nga: politikat proteksioniste të Donald Trump që kërcënuan zinxhirët ndërkombëtarë të furnizimit, ashtu si edhe dalja e Mbretërisë së Bashkuar nga Bashkimi Europian.
Politikat me moton “kombi i pari”
Kryeqytetet kryesore evropiane pretendojnë autoritetin e tyre në kohë të vështira. Ata e bënë këtë një dekadë më parë gjatë krizave financiare dhe po e bëjnë përsëri tani. Komisioni Evropian është përpjekur të mbajë të 27-të vendet së bashku dhe të koordinojë përgjigjet e tyre nkundër Covid-19.
Kufijtë po mbyllen
BE që nga 2015 ka forcuar kufirin e jashtëm të zonës Shengen, kur numri i njerëzve që kërkonin strehim në Evropë u rritë për herë të parë në një numër të konsiderueshëm. Disa qeveri gjithashtu prezantuan kontrolle në kufijtë brenda zonës Shengen.
Urgjenca shëndetësore ka rritur dyshimin tek të huajt dhe në mars vendet e zonës Shengen dhe të BE-së mbyllën kufirin e tyre të jashtëm për udhëtarët. Gjithashtu kanë ngritur më shumë pengesa për lëvizjen brenda zonës Shengen. Në një moment, qeveritë do ta vendosin virusin nën kontroll, por ata do të jenë shumë të kujdesshëm për të zbutur kufirin e Shengenit. Vizitorët nga pjesë të botës ku sëmundja mund të jetë ende e shfrenuar nuk do të jenë të mirëpritur. Shumë politikanë do të duan t’ua bëjnë jetën sa më të vështirë emigrantëve të parregullt.
Tensioni Lindje-Perëndim
Për disa vjet një ndarje lindje-perëndim ka lënë Hungarinë, Poloninë dhe ndonjëherë shtetet e tjera të Evropës qendrore në kundërshtim me pjesën tjetër të BE-së. Covid-19 e ka zgjeruar përçarjen. Evropianët Qendror kanë frikë se do të humbasin para nga buxheti i BE-së drejt vendeve jugore që janë prekur nga virusi.
Tensioni veri-jug
Virusi është duke e zgjeruar çarjen veri-jug që u shfaq në krizën e eurozonës 10 vjet më parë. Gjermania, Hollanda dhe aleatët e tyre veriorë ishin të gatshëm të japin ndihma për vendet e jugut në vështirësi. Pasi koronavirusi ka goditur BE në mënyrë asimetrike. Vendet jugore, veçanërisht Italia dhe Spanja, kanë pësuar më shumë vdekje nga koronavirus se shumica e vendeve tjera, ata e filluan krizën me nivele më të larta të borxhit dhe varen shumë nga turizmi që është prekur më keq. Drejtuesit e BE-së kanë rënë dakord të krijojnë një fond rimëkëmbjeje për të mbështetur rajonet e prekura më keq. Por ka të ngjarë të jetë më shumë në mënyrën e huazimeve sesa granteve.
Asnjë nga këto ndryshime nuk duhet të mirëpritet. Nëse Evropa shtyn vetë-mjaftueshmërinë shumë larg, ajo do të dëmtojë përfitimet që jep tregtia për të gjitha kontinentet. Mbyllja e kufijve brenda zonës Shengen ose mbyllja e kufijve të saj, pasi Covid-19 të jetë vën nën kontroll, do të arrinte shumë pak./Opinion.al
