Autoritetet Italiane kanë goditur një bandë të trafikut të lëndëve narkotike që drejtohej nga shqiptarët.
Mësohet se në pranga kanë përfunduar gjithsej 7 persona, mes të cilëve edhe një femër.
Hetimet zbuluan se në krye të bandës së trafikut qëndron shqiptari Florian Zeqiri, me banim në Rrapallo, i cili u vu në pranga së bashku me dy shqiptarët e tjerë Armando Ahmeti e Enkelejd Kapaj.
Të arrestuar përfunduan edhe dy italianët me banim në Rrapallo, i cili u vu në pranga sëbashku me dy shqiptarët e tjerë Armando Ahmeti e Enkelejd Kapaj. Ndërkohë, dy persona janë shpallur në kërkim policor.
Autoritetet italiane informojnë se një prej shqiptarëve nën urdhër arrest është dëbuar më parë nga territori italian pas kryerjes së një dënimi penal për akuza të ngjashme që kanë të bëjnë me trafikun e lëndëve narkotike. Hetimet nisën pasi në një banesë të një mjeku autoritetet gjetën drogë, që dyshohet se ai e përdorte për përdorim vetjak.
Referuar përgjimeve, bëhet me dije se “koka” e trafikut të drogës ishte Florian Zeqiri. Autoritetet kanë dokumentuar së paku 150 raste të trafikut të drogës në zona të shtrenjta, ku kryesisht banojnë të pasur italianë./ Opinion.al
