Në Itali 236 persona kanë humbur jetën në 24 orët e fundit nga koronavirusi, rreth 40 më shumë se shifra që u raportua dje pork jo rritje nuk i shqetëson autoritetet pasi vendi ka regjistruar numrin më të ulët të rasteve të reja prej dy muajsh.
Sipas të dhënave, në 24 orët e fundit u identifikuan 1075 raste të reja me COVID-19, një shifët aq e ulët që nuk ishte parë që nga 6 marsi.
Agjencia e mbrojtjes civile tha se numri i përgjithshëm i rasteve me koronavirus në Itali është 213,013 dhe se 29,315, kanë ndërruar jetë.
Megjithatë, agjencia kombëtare e statistikave tha të hënë se numri i viktimave në vend mund të jetë shumë herë më i lartë nga ai i raportuar deri tani në shifrat zyrtare. /Opinion.al
