Një lama belge mund të mbajë çelësin për prodhimin e një antitrupi, që neutralizon koronavirusin që shkakton sëmundjen e Covid-19.
Më shumë studime dhe prova klinike janë të nevojshme për të parë nëse mund të përdoret tek njerëzit për të trajtuar Covid-19, por ekipi i shkencëtarëve amerikanë dhe belgë që inxhinierizuan antitrupin, thanë se janë inkurajuar nga gjetjet e tyre paraprake, të cilat do të publikohen në revistën “Cell’ javën tjetër.
Jason McLellan, nga universiteti i Teksasit dhe bashkëautor i studimit, e përshkroi si një nga ‘antitrupat e parë të njohur për neutralizimin e Sars-CoV-2’.
‘Me terapinë e antitrupave, i jepnen drejtpërdrejt antitrupa mbrojtëse dikujt dhe kështu, menjëherë pas trajtimit, ata do të jenë të mbrojtur’, njoftoi McLellan në një njoftim për shtyp.
‘Antitrupat gjithashtu mund të përdoren për të trajtuar dikë që është i sëmurë, për të zvogëluar ashpërsinë e sëmundjes.’
Shkencëtarët kanë punuar me koronaviruse të ndryshme – përfshirë Sars dhe Mers – për vite me rradhë.
Në vitin 2016 ata injektuan lamën e quajtur Winter, me Sars dhe Mers me shpresën për të zhvilluar një trajtim për sëmundjet.
Sistemi imunitar i lamës prodhon dy lloje antitrupash kur dallon patogjene, një i ngjashëm me antitrupat njerëzorë dhe një që është rreth një e katërta e madhësisë së patogjenit.
Antitrupat e prodhuar nga Winter u zbuluan se ishin efektiv ndaj virusit Sars. Këtë vit ata vendosën të provojnë antitrupat që Winter kishte prodhuar gjatë eksperimentit të Sars, për të parë nëse mund të ishin efektive kundër Covid-19. Megjithëse antitrupi u lidh me virusin Sars-CoV-2, lidhja ishte e ‘dobët’, kështu që ekipi më pas lidhi dy kopje të antitrupave së bashku, për t’i lidhur në mënyrë më efektive.
Studiuesit janë duke u përgatitur për më shumë prova me kavje, për të testuar më tej antitrupin, përpara se të bëjnë prova tek njerëzit. /Opinion.al
